Albisteak 
Martxan da txotx denboraldi berria
2019/01/30 - Iruzkinak: 0
Andoain | Astigarraga | Hernani | Lasarte-Oria | Urnieta | Usurbil
Gartziategi Sagardotegian ireki zuen Olatz Arrieta kazetari astigartarrak aurtengo txotx denboraldia. Jende andana hartuko du Buruntzaldeak datozen asteotan eta bertako sagardotegiek aurten ere harrera ona izatea espero dute.
Sagardo denboraldiak hainbat herrietan eragina badu ere, besteak beste, Hernanin bakarrik milaka pertsona hartzen ditu txotx garaiak (iturria: Hernani.eus). Hernaniko 12 sagardotegiek 1.800 otortu eskaintzeko ahalmena du, eta beste urteetan bezala, aurten ere ehunka erreserba egin dira dagoenekoz (2017an, 59.625 erreserba egin ziren denboraldi osoan).
Garai honetan eskualdean biltzen den jende kopuruari erantzuteko, neurri bereziak hartzen dituzte udalek. Besteak beste, garraio publikoaren zerbitzua handitu, kale garbiketa indartu, kaleko komun gehiago jarri eta segurtasun neurri bereziak hartzen dira.
Horretaz gain, sexu erasoen kontrako kanpainak eta herritarrak zein herria bera errespetatzearen aldeko kanpainak jartzen dira abian.
Hernani.eus orrialdean jasotako zenbait datu eta Hernaniko Udalak sagardotegi denboraldia dela eta hartzen dituen neurri guztiak hemen ikus ditzakezu.
Sagardotegiei buruzko informazioa nahi izanez gero, sartu lotura honetan: http://www.sagardoarenlurraldea.eus
Erantzun albiste honi
Ondorengo eremuak bete. "*" dutenak derrigorrez bete behar dira.
