Buruntzaldea euskaraz

24/04/2008 - Comentarios: 0

Ya ha llegado el momento de hacer las cuentas del 2007. Se ha abierto el plazo para hacer la Declaración de la Renta y miles de ciudadanos/as seguramente ya estarán pidiendo cita y recopilando toda aquella documentación a entregar. Recuerda que también se puede hacer en euskera. En adelante, las relaciones con la Hacienda Foral se podrán euskaldunizar, por ejemplo, al realizar la Declaración de la Renta.

... (artikulua euskaraz irakurtzen jarraitu dezakezu)

NOBEDADEAK

Aurtengo Errenta Aitorpenak berrikuntza edo aldaketa dezente dakartza. Bat baino gehiago kenkari edo dedukzioei lotutakoak. Errentatzailearen aldeko kenkaria desagertu da, kuota sindikalek %30eko kenkaria izango dute, eta sarrerek ez dute dedukziorik izango.

Bestetik, adineko edota ezgaituek tratamendu fiskal hobea jasoko dutela iragarri dute, kenkariak gehitu baitira eta Menpekotasun Legetik datozen prestazio ekonomikoak salbuetsi baitituzte. Lan etekinen hobari orokorrak ere handitu dira.

Autolikidazio proposamena iaz jaso zuten 40.000 zergaduni, arrazoi ezberdinak tarteko ez zaie aurten iritsiko. Horren berri emateko gutuna jasoko dute. Nolanahi ere, gero eta gehiago dira autolikidazioak jasoko dituzten herritarrak. 2006ko ekitaldian Buruntzaldeko herrietan egindako errenta aitorpen guztien %40 inguruk erabili zuen modalitate hau.

DATU FISKALAK ON LINE

Pasa hitz bat izanda, Ogasuneko informazioa ikusi eta gorde daiteke. Hartara, bildutakoa aitorpena egiteko frogagiri gisa balia liteke. Pasa hitza www.gipuzkoa.net atarian eskatu behar da eta zerga bulegoetan jaso.

ESKATU EUSKARAZ

Aldunditik adierazi bezala, Errenta Aitorpena bezalako tramiteak euskaraz egiteko joera indartzen ari da. “Aldeko politika dagoenean, herritarren erantzuna handiagoa da”, adierazi du Foru Ogasuneko Itzulpen Zerbitzuko langile Mikel Azkaratek. Errenta Aitorpena euskaraz egitera deitzen ditu herritarrak. Azkarateren esanetan, “administrazioak jakin dezan zer nolako eskaria dagoen.

Euskaldun bezala, lehen hitza beti euskaraz”. Horrekin batera, Errenta Aitorpena egiterakoan, langileei aurrerantzean Ogasunarekiko harremanak euskaraz nahi dituztela jakinaraztea komeni da.

Material complementario:

• Reportaje publicado en abril | 203,3 Kb.